Кызыл мәйдан (tat. lat. Qızıl mäydan, рус. Красная площадь) - Мәскәү шәһәренең баш мәйданы, Мәскәү кирмәне (көнбатышка) һәм Кытай-шәһәре (көнчыгышка) арасында, Мәскәү үзәгендә урнашкан.
Кызыл мәйданнан Мәскәү-елгасы ярына Василий төшү юлы бара.
Кызыл мәйдан Кремль юлы, Воскресение капкасы, Никольская урамы, Ильинка, Варварка, Василий төшү юлы арасында урнашкан.
Кызыл мәйданда Маңгай урыны (җәзалау урыны — рус. Лобное место), Минин һәм Пожарскийга һәйкәл, Ленин төрбәсе урнаша. Ленин төрбәсе янында Кремль дивары янында каберлек урнаша. Көнбатышка - Мәскәү кирмәне, көнчыгышка - ГУМ кибете, төньякка - Тарихи музей һәм Казан чиркәве, көньякка - Покров чиркәве урнаша.
Кызыл мәйдан ЮНЕСКО тарафыннан саклана.
Мәйдан түшәмәсе - таш түшәлгән урам.
Автомобиль хәрәкәте 1974 елда тыелган.
Кызыл мәйдан озынлыгы - 330 метр, киңлеге - 70 метр, мәйданы - 23100 м*м.
Иван III хакимлегендә (XV азагы — XVI башы) Мәскәү кирмәне яңа дивары төзегәннән соң Кызыл мәйдан килеп чыга.
1493 - Мәскәүдә зур янгын булган, мәйдан урынында бернәрсә булмаган һәм урынны Янгын (русча Пожар) дип йөртелгән.
Казан шәһәрен 1552 елда буйсындырганнан соң күп чиркәүләр Казан исемле дип атала башлаган. Явыз Иван Казан Кирмәне матурлыгы белән сокланып Мәскәүнең Кызыл мәйданында Казан Кирмәнендә охшаш биналар төземәкче булган. Бөек тарихчы Худяков буенча Покров чиркәве (Изге Василий чиркәве) Казанны буйсындырганнан соң Казан баш мәчетенә охшаш булган өчен ясалган, ә гөмбәзләре - Казанның Нур-Али Җәмигъ мәчетеннән алынган
1625 елдан соң - Спас манарасы яңартып төзегәннән соң - шушы урын Кызыл мәйдан дип йөртелә башлаган.
18-19 гасырда берничә тапкыр яңартып төзелгән.
Инкыйлабтан соң Кызыл мәйдан мемориаль мәгънәсенә ия була. Кирмән дивары янында каберлек килеп чыга, Ленин төрбәсе төзелә. Кызыл мәйдан баш тантана мәйданына әверелә.
Совет Берлеге таркалганнан соң Кызыл мәйданда шугалак еш оештырыла, каберлек янында төрле концертлар һәм биюләр үткәрелә. Галимнар фикерләре буенча шушы биюләр-концертлар тарихи һәйкәлләргә зур зыянны китерә, аеруча Изге Василий чиркәвенә.