Angkor Wat yäki Angkorwoat (kxmerçä ɑŋkɔːvoat - Angkor ğibädätxänäse) - Kamboca, Angkor töbägendä urnaşqan Vişnu allağa bağışlap tözelgän hinduist ğibädätxänä kompleksı.
Dönyanıñ qayçan da bulsa tözelgän ğibädätxänäläreneñ iñ zurı, iñ ähämiätle tabınu häykälläreneñ berse.
XII ğasırda patşa Suryavarman idärä itkän çorda tözelgän.
Angkor şähäre kompleksı tärkibendä YUNESKO Bötendönya Mirası isemlegenä kertelgän.
Angkor Wat ğibädätxänäse Siemreal şähäreneñ 5,5 km tönyaqtaraq urnaşqan. Kxmerlar däwläteneñ borınğı başqalası - Angkor şähäre yanında tözelgän.
XV ğasırdan faydalanılmıy häm taşlandıq xäldä qalğan.
Awrupalılar öçen 1860 yılda açıla.
Angkor 200 km² mäydannı bili, küptän tügel ütkän tikşerenülär buyınça anıñ mäydanı 3000 km² bulğanı mömkin, ä xalıq sanı yartı million keşe citkäne mömkin dip dälillär bar, şuña kürä sänäği däwergä qädär ul keşe yäşägän iñ ere toraq bulğan.
Angkor Wat Kambocanıñ däwlät bayrağında häm tuğrasında surätlängän.
Baştaraq Vişnu xodayğa bağışlap tözelgän ul hinduist ğibädätxänä-tawı (Mera digän mifik taw kebek) stile häm soñraq kilep çıqqan galereyälär stilen berläşterä.
Ğibädätxänä öç kontsentrik turıpoçmaq qorılmasınnan tora, alarnıñ bieklege üzäk yağına biekräk. Perimetrı buylap 1,5×1,3 km diwar häm 3,6 km ozınlığındağı häm 190 m kiñlegendäge su çoqırı belän uratılğan.
Eçke qorılması lotos gäwdäsendäge biş manaradan tora, üzäk manara ğibädäxänädän 42 m ğa biekräk, cir östennän ğomum bieklege 65 m.
Angkor Wat - Kxmer imperiäseneñ miğmariäte tä'sirle ürnäge bulıp tora.
Patşa Suryavarman II (1113-1150) ğibädätxänä kompleksına saldıra.
Angkor bütän ğibädätxänälärennän ayırmalı bularaq Agkor Wat tulısınça taşlanmağan bulğan, çönki sıyınu birgän.
1860 yılda berençe awrupalı fransuz Anri Muo ğibädätxänä taswirlıy.
1970 yılda ğibädätxänäneñ qayber qorılmaları Pol Pot xärbiläre vandallığınnan zıyan kürä.
1992 yılda YUNESKO ximayäse astında alınğan.
Kambocanıñ turistik iñ kürenekle urını.